Program: Bougainville imas stretim heve blong sorcery, sapos nogat, nogat wanpla em i seif

Regional Director blong Justice na Legal Services long Central na South Bougainville Dennis Kuiai itok nogat wanpla long Bougainville bai stap seif na sekiua sapos displa kain pasin blong killim dai nating long ol tokwin blong poisin long sorcery, em ino stop.

Olsem na Mr Kuiai i singaut long ol pipol blong Bougainville imas unite na stopim displa pasin we em ibin wok long kamap bikpla stat long taim blong Bougainville Crisis long 1990s.

Em itok displa Law and Justice Coordinating Mechanism we i bungim olgeta justice agencies long Bougainville inau go het long ol konsaltesen wok blong mekim polisi blong ABG iken kamapim law long sait blong sorcery.

Mr Kuiai itok bai tutpla moa sapos displa law istap bifoa long Bougainville i kamap independent.

Long audio, Mi Kuiai itoktok pastaim long wokabaut blong Bougainville long displa wari blong sorcery accusation related violence stat long taim blong crisis.