Igat wan eviction oda hem kam aot blong ol samting olsem 300 settlers we oli stap long Salili long aelan blong Efate blong oli mas muv aot bifo namba 14 blong Jun.
Management blong Sino-Van kampani we igat fish factory blong hem kolsap long Salili oli konfem long Vanuatu Daily Post se kampani hem karem leasehold title blong land ia we bae oli setemap wan fish cannery long hem.
Long last wik, President blong Malvatumauri Council of Chiefs, Paul Ravun, wetem sam memba blong Council oli go kasem Salili setolmen blong toktok wetem ol settlers we oli from 6fala provins, mo luk long hao oli save help.
Daily Post niusman, Hilaire Bule se hem bin storian wetem wan man Tanna we hem se hem baem graon from ol kaston ona mo setol long Salili stat long 2008... be folem eviction oda ia hem gohet redi nao blong muv aot wetem family blong hem.
Credits
Image Details
Wan resident blong Salili hem redi blong muvaot wetem family blong hem (H. Bule)