Niupla Ambassador blong kantri Austria long Australia na planti ol Pacific ailan kantri ibin bungim Gavana General, Sir Bob Dadae na sampla long ol Papua New Guinea lida long Port Moresby last wik.
Elisabeth Koegler em i Austrian Ambassa tu long 12 pla narapela kantri long Pacific olsem Fiji, Kiribati, Marshall Islands, FSM, Nauru, New Zealand, Papua New Guinea, Solomon Islands, Samoa, Tonga, Tuvalu na Vanuatu.
Namel long ol PNG lida we Ambassador Koegler ibin bungim long Port Moresby last wik em Minista blong Information na Communications Technology, Timothy Masiu, na Minista blong International Trade and Investment, Richard Maru.
Long audio, PNG ICT Minista na MP blong South Bougainville, Mr Masiu em i stori moa long wanem ol samting em ibin toktok wantaim Ambassador Koegler longen.