Gavman blong Solomon Islands hem anaonsim se bae olketa setem ap wanfala Commisison blong Inquiry fo investigetim wanem nao hem happen long plande shipment blong bauxite wea plande million dollar i lus long hem.
Niufala Minista blong Mines, Derrick Manuari nao hem annaonsim inquiry ia long media long Honiara yestede, wanfala wik afta hem tekova olsem minista.
Disfala 33 shipment blong bauxite from mine long Rennell aelan long Renbel Province ia hem bin missing melwan 2017 and 2019.
Long disfala press conference ia, Minista Manuari hem askim Director blong Mines, Krista Jacob Tatapu fo talem fastaem timeline blong wanem nao hem bin happen long save blong olketa.
Image Details
Mines Director, Krista Jacob Tatapu & Minister Derek Manuari (C.A. Leong)