Malaita and evriwan long olketa narafala provinsol gavman long Solomon Islands olketa save traem fo mas qualifae fo getem disfala Provincial Capacity Development Fund or PCDF olketa kolem from nasinol gavman evri yia.
Long lukluk blong Premier blong Malaita Province, Elijah Asilaua hem se long Malaita, disfala PCDF grant nomoa hem iusful tumas fo mekem olketa smol infrastructure development wea pipol long rurul eria i nidim.
Nara funding nasinol gavman save givim aot tu hem ova 200 million dollar long Constituency Development Fund evri yia fo olketa memba blong palament, wea Mr Asilaua hem se hem had fo lukim eni saen blong wanem nao olketa duim wetem.
Long last yia, Malaita Province hem mitim olketa minimum requiremen so hem getem kolsap 12 million dollars long Provincial Capacity Development Fund afta hem no qualifae and missaot fo tufala yia.
Bat Premier Asilaua hem se fo 2025-2026 financial year, Malaita hem qualifae finis and olketa hope fo getem samting olsem 15 kasem 16 million dollar fo PCDF.
Credits
Image Details
PM Jeremiah Manele & Malaita Premier Elijah Asilaua