Autonomous Bougainville Gavman em ibin mekim disisin long yusim 20 million we nasinol Gavman ibin makim blong statim ol wok long wanpla niupla Levol 5 Bougainville Specialist Referral Hospital long Arawa, long oli yusim pastaim long apgredim Buka hospital.
ABG Health Minista Dennis Lokonai itok displa 20 million em i hap blong 70 million kina we PNG Gavman ibin putim blong statim ol wok long displa 500 million kina Specialist Referral Hospital long Arawa.
Tasol Mr Lokonai itok, Buka Hospital i randaon na igat bikpla nid long ol niupla machine na ol upgrade, so ABG
Executive Council imekim disisin long yusim 20 million kina long ol displa.
Long wankain taim, Mr Lokonai itok ol wok i gohet gut long statim displa Referral Hospital long Arawa, ol wok long displa Buin Level 4 District Hospital na displa Soroken Health Centre long North Western sait blong Bougainville.
Credits
Image Details
Ol lidas makim wok stat long Buin hausik (Poto: DFAT